कार्तिक २२, काठमाडौं । निर्वाचन आचारसंहिता विपरित एकीकृत माओवादीले मेचीकाली अभियान संचालन गरेको भन्दै नेपाली काँग्रेसले उनीहरुमागि कारबाहि गर्न माग गरेको छ । आज प्रमूख निर्वाचन आयुक्त निलकण्ठ उप्रेती तथा आयुक्त दोलखबहादुर गुरुङसँग भेट गरेर काँग्रेसले उजुरी दिँदै कारबाहि गर्न माग गरेको हो ।

एमाओवादीले आचारसंहिता विपरीत मेची महाकाली ¥यालीको नाममा चुनावलाई प्रभावित पार्ने र आचार संहिता विपरीत प्रचार सामाग्री र सवारी साधनको दुरुपयोग गरेको व्यानर बनाई सर्वसाधारणलाई असर पार्नेगरी सडक अवरुद्ध गरेको भन्दै आयोगको ध्यानाकर्षण गराएको काँग्रेसले जनाएको छ ।

यस्तै एबीसी टेलिभिजनले आचार संहिता विपरीत एमाओवादीको चुनाव प्रचार प्रसारको प्रत्यक्ष प्रसारण गरेको, गोपीकृष्ण टिभी फिल्मीले राप्रपा नेपालको चुनावी प्रचार प्रसार अभियानको निरन्तर प्रसारण गरेको समेत काँग्रेसले उजुरीमा उल्लेख गरेको छ ।