एमविविएसको जाँच दिई पढ्न जान नपाएका पीडित विद्यार्थीहरुले एक हप्ताभित्र पढ्न जान नपाएमा आमरण अनसन बस्ने चेतावनी दिएका छन् ।

गत २०६९ माघ ६ गते एमविविएसको जाँच लिएको र माघ ११ मा परिक्षाफल प्रकाशित गरिएका २ सय २० जना मध्ये ७६ जना विभिन्न त्रिभुवन विश्वविद्यालयबाट सम्बन्धन प्राप्त मेडिकल कलेजहरुमा गएका र करिब १३२ जना विद्यार्थीहरु २०१३ अगष्ट सेसनको काठमाडौं विश्वविद्यालयबाट मान्यताप्राप्त मेडिकल कलेजहरुमा पढ्न जानुपर्नेमा नोबेम्बरको अन्तिम मिति हुदासमेत पढ्न जान नपाएको भन्दै पीडित विद्यार्थीहरुले शिक्षा मन्त्रालय र नेपाल मेडिकल काउन्सिललाई चेतावनी दिएका हुन् ।

शिक्षा मन्त्रालय, नेपाल मेडिकल काउन्सिल र काठमाडौं विश्वविद्यालय यसै गरी अनुत्तरदायी भैरहने हो भने सड्क संघर्ष, जुलुस रिले अनसन बस्ने र त्यसबाट पनि सम्बन्धित निकायले वेवास्ता गरे आपूmहरुको पढ्न पाउने अधिकार सुनिश्चित गर्नका लागि आमरण अनसन बस्न बाध्य हुने राजधानीमा आयोजित पत्रकार सम्मेलनमा उनीहरुले बताएका छन् । शिक्षा मन्त्रालयले गत वर्ष नाम निकालेका विद्यार्थीहरुलाई पढ्न नपठाई नयाँ शैक्षिक सत्रको लागि आगामी मंसीर २९ गते जाँच सूचना प्रकाशित गरेर आपूmहरुलाई घर न घाटको बनाएको उनहरुको आरोप छ ।