National news Tekman photo Top News,
तिहार सुरु भयो ।
Posted by Unknown
Published on Friday, November 1, 2013
हिन्दुहरुको दोस्रो ठूलो चाड तिहार आज बाट विधिवत रुपमा सुरु भएको छ । तिहारको पहिलो दिन आज कागलाई मीठा खानेकुरा दिएर पुजाआजा गरेर हिन्दु धर्मावलम्बीहरुले काग तिहार मनाएका छन् । कात्र्तिक कृष्ण त्रयोदशीदेखि कात्र्तिक शुक्ल द्धितियासम्म मनाइने तिहालको पहिलो दिन आज बिहानै कागको पुजा गरिएको छ ।कागलाई सबैभन्दा चतुर पंक्षी मानिन्छ । शुभ –अशुभ दुवै प्रकारका सन्देश बाहकका रुपमा कागलाई प्रत्येक दिन बिहान खाना खानअघि घरको कौसी वा छानामा भात पन्छाउने चलन भए पनि आजको दिन रोटीका साथै अन्य परिकारसमेत खुवाउने गरिन्छ । कागले अशुभ सन्देश पनि ल्याउने हुनाले काग कराउनसाथ ‘शुभबोल’ भन्ने चलन छ । आजदेखि भाइटीकासम्म यम पञ्चक मनाइन्छ ।
वर्षको तिहारको भाइटीकाको उत्तम साइत १९ कात्तिकको बिहान ११ बजेर २७ मिनेटमा रहेको नेपाल पञ्चांग निणर्यक समितिले जनाएको छ । समितीका अनुसार उत्तम साइतमा टीका लगाउन नपाउनेले दिनभर टीका लगाउँदा पनि शुभ हुनेछ ।
यसैबिच आज नै आयुर्वेदका प्रणेता धन्वन्तरी जयन्ती पनि मनाइदै छ । भैष शास्त्रका धनन्वन्तरिले अवतार लिएको शास्त्रोक्त कथन अनुसार धन त्रयोदशी मानेर वैद्य राजहरुले धन्वन्तरि पूजा गर्ने परम्परा छ ।
