फलेवास (पर्वत), २३ असोज । एकीकृत नेपाल कम्युनिस्ट पार्टी (माओवादी)का तमुवान राज्य समिति सदस्य विष्णु लामिछानेले पार्टी परित्याग गर्नुभएको छ । यस पटक पनि एमाओवादीले एकल जातीय पहिचानसहितको सङ्घीयताको मुद्दा उठाएका कारण  लामिछानेले पार्टी परित्याग गर्नुभएको हो । लामो समयसम्म आफूले पार्टीमा सङ्घीयता विरोधी मत राखेको तर त्यसको सुनुवाइ नभएका कारण पार्टी छाडेको उहाँले बताउनुभयो । सङ्घीयताका कारण जातीय सद्भाव बिग्रने र मुलुक थप द्वन्द्वमा जाने उहाँको भनाइ थियो । गत वर्ष हेटाँैडामा सम्पन्न सातौँ महाधिवेशनमा आफूले सङ्घीयता विरोधी मत राख्न खोजे पनि कतैबाट साथ नपाएपछि निष्क्रिय रहँदै आएको लामिछानेले बताउनुभयो । कम्युनिस्ट सत्तामा नगएसम्म राम्रो देखिने र गएपछि सबैभन्दा बढी बिग्रने गरेको उहाँको भनाइ छ ।