Literature,
बिमलराजको गजल
Posted by Unknown
Published on Saturday, October 26, 2013
मेरो हाल सुना भए तिमी पक्कै रुन्थ्यौ होला भोग्ने म भन्दा पनि तिमी दुखी हुन्थ्यौ होला
सुख सयल मोज मस्तिमा कटेका ती दिनहरुमा
मेरो व्यथा सुन्नु भन्दा बरु कान् थुन्थ्यौ होला
म भन्दा मनले खाको तिम्रो अर्कै मान्छे थियो
मलाई पासो उस्को लागी दुबो माला उन्थ्यौ होला
तिम्रो हर्कत सही थिएन तर मैले सोध्या भए
धरो-धर्म हैन भनी तामा तुल्सी छुन्थ्यौ होला
म राम्रो तिमी गलत आरोप लाउन खोज्या हैन
म गलत थिएँ भने तिम्ले हल्ला सुन्थ्यौ होला
सर्जक : विमलराज ढकाल "राष्ट्रप्रेमी " , बसेरी-५ , धादिङ
