०५ आश्विन, काठमाडौं । नेकपा माओवादी नेतृत्वको ३३ दलिय मोर्चाले आह्वान गरेको यहि असोज ९ र १० गते नेपाल बन्द फिर्ता भएको छ । शनिबार बसेको मोर्चाको बैठकले निर्वाचन आयोगको उमेदवारी दर्ता प्रक्रियालाई लक्षित गरेर आह्वान गरिएको बन्द फिर्ता गरेको नेकपा–माओवादीका सचिव देब गुरुङले जानकारी दिनुभयो ।

आयोगले प्रत्यक्षतर्फको उम्मेदवारी दर्ता असोज १० लाई तोकेपछि ३३ दलले ९ र १० गते नेपाल बन्दको आहृवान गरेको थियो ।

नेकपा–माओवादीको पाटी केन्द्रिय कार्यलय बुद्धनगरमा सम्पन्न बैठकमा सरकारसँग गरिने वार्तामा कसरी प्रस्तुत हुने भन्ने रणनीतिका विषयमा समेत छलफल भएको सचिव गुरुङले जानकारी दिनुभयो । निर्वाचन प्रक्रियादेखि तिब्र असन्तुष्ट जनाउदै आएको ३३ दल निर्वाचन आयोगले निर्वाचन सम्बन्धी कार्यतालिका एक साता पछि सारेपछि झन आक्रोशित भएको छ । पटक पटक वार्ता असफल हुदै आएपनि सरकारले हिजो वार्ताका लागि पुनः आह्वान गरेको थियो ।