International news,
चुनावी तयारीको बिषयमा रेग्मी–खनाल परामर्श
Posted by Unknown
Published on Saturday, September 21, 2013
प्रधानमन्त्री निवास बालुवाटारमा शनिबार उच्चस्तरीय राजनीतिक समितिका संयोजक तथा एमाले अध्यक्ष झलनाथ खनालसँग भएको भेटवार्तामा मन्त्रीपरिषद् अध्यक्ष रेग्मीले निर्वाचनको वातावरण निर्माणमा दलहरुको सकृय भूमिकाको साथै नेपाली जनताको संविधान निर्माणमा प्रत्यक्ष सहभागिता सुनिश्चित गर्नका लागि निर्वाचन एकमात्र विकल्प रहेको भन्दै निर्वाचन प्रक्रियाको विपक्षमा रहेका दलहरु समेत घोषित निर्वाचनमा सहभागी हुनुपर्ने बताउनुभएको थियो ।
भेटवार्तामा उहाँहरुबिच सार्कं महासचिव लगायत विभिन्न कुटनीतिक नियोगहरुमा रिक्त पद, राष्ट्रिय मानव अधिकार आयोग लगायत अन्य संवैधानिक निकायहरुमा रिक्त पदपूर्ति सम्बन्धमा समेत छलफल भएको रेग्मीका प्रेस संयोजक राजेन्द्रप्रसाद पाण्डेयले जानकारी दिनुभयो । छलफलका क्रममा मन्त्रिपरिषद्का अध्यक्ष रेग्मीले खनाललाई ती विषयमा छिट्टै छलफल गरी आवश्यक पहल गर्न ध्यानाकर्षण गराउनुभएको थियो । छलफलमा अध्यक्ष रेग्मीले खनाललाई बिबादीत सबै विषयहरुमा छिट्टै छलफल गरी आवश्यक पहल गर्न ध्यानाकर्षण गराउनुभएको थियो ।
एडमिनः टेकमान शाक्य
