आगामी कात्तिक ५ देखि पोखरा कप अन्तर्राष्ट्रिय फुटबल प्रतियोगिता हुने भएको छ । कास्की जिल्ला फुटबल सङ्घको आयोजना तथा लक्ष्मी ग्रुपअन्तर्गत सञ्चालित सुजल डेरीको प्रायोजनमा पोखरा रङ्गशालामा सञ्चालन हुने सो प्रतियोगितामा विदेशी चार टिमसहित १२ टिमको सहभागिता रहनेछ । प्रतियोगिता सञ्चालन गर्न सङ्घका उपाध्यक्ष कुमार गुरुङको संयोजकत्वमा विभिन्न उपसमिति गठन गरिएको छ । 

प्रतियोगिताका विजेता टिमले नगद रु तीन लाख ५५ हजार र उपविजेता टिमले रु दुई लाख एक हजार पुरस्कार पाउने छन् । १६ गतेसम्म हुने प्रतियोगिता सम्पन्न गर्न रु ५५ लाख ६० हजार खर्च हुने बताइएको छ ।