१८ श्रावण, काठमाडौं । निर्वाचन आयोगले फोटो सहितको नामावली संकलनका लागि १० दिनको समय थपगर्ने भएको छ । निर्वाचनको पूर्वनिर्धारित कार्यक्रममा असर नपर्नेगरी म्याद थपको तयारी भएको आयोग स्रोतले जनाएको छ ।
उच्चस्तरिय राजनीतिक समितिका अध्यक्ष पुष्पकमल दाहालले आयोग पदाधिकारीसंग भेटगरी म्याद थपगर्न आग्रह गरेपछि आयोगले केहीदिन म्याद थपगर्ने निर्णय गरेको हो । ‘एकहप्ता देखी दश दिनसम्म म्याद थपगर्ने तयारी छ, आयोग स्रोतले भन्यो ।’
मंसीरमा निर्वाचन हुदैन कि भन्ने आशंकामा मतदाता नामावलीमा नाम नलेखाएका व्यक्तीलाइ आयोगले मौका दिन लागेको हो । मंसीरमा निर्वाचन हुने संभावना बढेपछि पछिल्ला दिनमा निर्बाचन कार्यालयमा नाम लेखाउनेको घुइचो लागेको थियो । मधेशी मोर्चाले एक महिना म्याद थपगर्न आग्रह गरेपनि आयोगले १० दिनको लागि म्याद थपगर्ने तयारी गरेको हो ।