१८ श्रावण, काठमाडौं । नेकपा–माओवादीका अध्यक्ष मोहन वैद्यले चार दलीय सिन्डीकेटले गरेका अलोकतान्त्रिक र असंवैधानीक कुकर्ममा समाहीत हुन वार्तामा नजाने बताउनुभएको छ । चार दलले नै वार्ता गर्न नचाहेकोले वार्ता हुन नसकेको भन्दै अध्यक्ष बैद्यले त्यस्तो वार्तामा आफुहरु सहभागी नहुने बताउनुभएको हो । अखिल नेपाल शिक्षक संगठनको प्रथम केन्द्रिय परीषद वैठकलाई शुक्रबार राजधानीमा उद्धघाटन गर्दै अध्यक्ष बैद्यले विना सर्त वार्ताबाट मात्र समस्या समाधान गर्न आफुहरु तयार रहेको प्रष्ट पार्नुभयो ।  जनताका समस्या समाधान गर्ने सार्थक वार्ता आफुहरुले चाहेको भन्दै अध्यक्ष बैद्यले निकास निस्कने वार्तामा आत्र सहभागी हुने उद्घोष गर्नुभयो ।
उहाले चार दलिय सिन्डीकेटले उत्पन्न संकट समाधानका नाममा आन्दोलनबाट प्राप्त उपलब्धी र जनयुद्धका एजेण्डाहरुलाई छाडेर चारदलको पक्षमा सति जान नसकिने तर्क गर्नुभयो । निरदलिय सरकार गठन गरी देशमा फासीवादी ब्यवस्था निम्ताउन चाहेको आरोप लगाउँदै अध्यक्ष बैद्यले आफुहरु प्रतिपक्षमा रहेपनि लोकतन्त्रको रक्षका लागि सँधै संघर्षरत रहेको बताउनुभयो । अध्यक्ष बैद्यले आफुहरुले उठाएको सकारात्मक मुद्धालाई चार दलिय सिन्डीकेटले जबरजस्त ीगर्न खोजेमा त्यस विरुद्ध शशक्त आन्दोलन गर्ने बताउनुभयो ।