०२ भाद्र, काठमाडौं । एकीकृत नेकपा माओवादीका अध्यक्ष पुष्पकमल दाहालले घोषित मितिमै निर्वाचन हुने बताउनु भएको छ । दोस्रो संविधानसभाको निर्वाचनको मिति तोकिसकिएकाले त्यसमा कुनै फेरबदल नहुने उहाँको भनाइ थियो । जनकपुर विमानस्थलमा आज बिहान सञ्चारकर्मीसँग सङ्क्षिप्त कुरा गर्दै अध्यक्ष दाहालले असन्तुष्ट दलहरुसँगको वार्ता सकारात्मक भएकाले मङ्सिर ४ गते नै निर्वाचन हुनेमा कुनै शङ्का नरहेको बताउनु भएको हो ।

मधेशी जनअधिकार फोरम नेतृत्वको संघीय लोकतान्त्रिक मोर्चासंग सहमति भइ चुनावमा सहभागि हुन राजी भएको उल्लेखगर्दै दाहालले नेकपा माओवादीपनि चुनावमा भाल लिने उल्ल्ेख गर्नुभयो । अध्यक्ष दाहालले नेकपा–माओवादीका अध्यक्ष मोहन वैद्यसँग पनि सरकारको वार्ता भइरहेकोले भोलि कुरा गरेर सहमतिमा ल्याउने उल्लेख गर्नुभयो । रामबृक्ष यादवको स्मृति दिबस मनाउन अध्यक्ष दाहाल जनकपुर पुग्नु भएको हो । धनुषाको क्षेत्रनं ६ मा आयोजित सभालाइ अध्यक्ष दाहालले संवोधनगर्ने कार्यक्रम छ ।