१० भदौ, काठमाण्डौ । राष्ट्रिय प्रजातन्त्र पार्टीका अध्यक्ष कमल थापाले राष्ट्रपती डा. रामवरण यादवको पदावधि समाप्त भएको बताउनुभएको छ । सोमबार राजधानीमा आयोजित पार्टीको तीनदिने राजनितीक सम्मेलनमा अध्यक्ष थापाले पहिलो संविधानसभाले गरेको गणतन्त्र सम्बन्धी निर्णय शुन्यमा परिणत भैसकेको दाबी गर्दै आगामी संविधानसभाले त्यसलाई नमान्ने बताउनुभएको हो । थापाले राप्रपा नेपाल उदाउँदो शक्ति भएको जिकिर समेत गर्नुभयो । पाँचवर्षको अवघिमै राप्रपा नेपाल मुलुकको पहिलो शक्ति बन्न लागेको बताउँदै थापाले यसलाई नोटिसमा लिन र राप्रपा नेपाललाई उपेक्षा नगर्न आग्रह गर्नुभयो । नयाँ बानेश्वरको सरकारी भवन चारदलले कब्जा गरेर कार्यालय राखेको भन्दै उनीहरुमाथि पनि कारवाही गर्न थापाले आग्रह गर्नुभयो ।