०५ भाद्र, काठमाडौं । नेपाली काग्रेसका सभापति सुशील कोइरालाले मंसिर ४ गतेको लागि घोषित संविधानसभाको निर्वाचनको मिति सार्नु भनेको मुलुकमा दुर्घटना निम्त्याउनु भएको दावी गरेका छन् । निर्वाचन नचाहने तत्वले मौका खोजिरहेको बेला निर्वाचनको मिति सार्नु अर्को दुर्घटना निम्त्याउनु सरह हुने कोइरालाको भनाई छ । 

आफ्नै निवासमा पत्रकारहरुसंग कुरागर्दै सभापति कोइरालाले कसैलाई छाडेर निर्वाचनमा जाने अहंकार काग्रेसले नलिएको बताउनु भएको हो । उहाँले सबैको सहभागितामा मंसिर ४ गते निर्वाचन हुने विश्वास ब्यक्त गर्दै भन्नुभयो–मंसिर ४ गतेको निर्वाचन असम्भावी छ । 

मोहन बैद्य समूहले निर्वाचन बहिश्कार नगर्ने विश्वास ब्यक्त गर्दै उहाँले कसैले पनि हारेको अनुभुति नगर्ने गरी सहमति गर्न आफू प्रयास रहेको सुनाउनुभयो । कोईरालाले विहीबार विहान ९ बजे नेकपा–माओवादीका अध्यक्ष मोहन बैद्यसँग कुराकानी तय भएको जानकारी दिदै त्यसपछि संयूक्त छलफल गरेर निकास निकाल्ने बताउनुभयो । मुलुकलाई सर्वोपरि राखेर शान्ति, स्थायीत्व, लोकतन्त्र र निकासमा लाग्नु पर्छ भन्ने सबैको चिन्ता आफूले पाएको भन्दै कोइरालाले त्यसै कारण पनि  दलहरुवीच सहमति भएर समस्याको समाधान हुने दावी गरे ।