०५ भाद्र, काठमाडौं । रोजगारीका लागि दक्षिण कोरिया जान चाहाने युवाको आकर्षण विगतको बर्षको तुलनामा झन बढि देखिएको छ । रोजगार अनुमति प्रणाली ईपीएस अन्तर्गत दक्षिण कोरीया जान चाहाने १६ हजार युवाले आज एकैदिन फराम भरेका छन । काठमाण्डौका तीन सहित राजधानी बाहिरका आवेदन फाराम बुझाउने केन्द्रमा युवाहरुको भीड लागेको छ । 

कोरियाले यस वर्ष नेपालका लागि ८ हजार २ सय कोटा छुट्टाएकोमा आज एकैदिन १६ हजार बढिले फाराम भरेका छन । नेपाल सिथत इपिएसm कार्यालयले काठमाडौं उपत्यका तीन ठाउ र उपत्यका बाहिर धरान तथा बुटवलमा फारम वितरण र दर्ता केन्द्र तोकेको छ ।राम्रो सेवा सुविधा तथा पारिश्रमिकका हिसाबले आकर्षक श्रम गन्तव्यको रुपमा रहेको दक्षिण कोरिया नेपाली युवाहरुमा आकर्षक गन्तव्यको रुपमा मानिएको छ ।

काठमाडौ उपत्यकामा गौचरण स्थित खेल मैदान, किर्तिपुरस्थित ल्याबोरटोरी स्कुल र पशुपतिस्थित वेद विद्याश्रम लाई तोकेको छ । आवेदन गर्ने युवाको संख्या ठूलोमात्रमा हुनृसक्ने भएकाले सरकारले प्रत्येका आवेदन केन्द्रमा १ सय जना भन्दा बढी कर्मचरी खटाएको छ । भाषा परीक्षाको लागि हिजो साँझबाटै युवाहरु लाम लागेका थिए । सन् २०११ मा करिब ५७ हजार युवाले आवेदन दिएका थिए । यसपटक त्यो संख्या करिब ७० हजार पुग्ने अनुमान गरको छ  । भाषा परीक्षा आगामी असोज २० र २१ मा हुनेछ ।