विकसति पछिल्लो राजनीतिक घटनाक्रमको बिषयलाई लिएर एकीकृत माओवादी अध्यक्ष पुष्पकमल दाहाल र नेकपा–माओवादी अध्यक्ष मोहन बैद्यबिच शुक्रबार भेटवार्ता भएको छ । दाहाल निवास लाजिम्पाटमा शुक्रबार भएको भेटवार्तामा वार्तामा आउनका लागि कुनै शंका नगर्न बैद्यलाई दाहालले आग्रह गर्नुभएको थियो । वार्ताका लागि कुनै शर्त नाराखिएको भन्दै दाहालले त्यस्तो कुनै शंका नगरी वार्तामा वस्न वैद्यसँग आग्रह गर्नुभएको उहाँँका सहयोगीहरुले बताएका छन् । 

चार दलको तर्फबाट आएको मसिंर ४ गतेको निर्वाचन नसार्ने गरी वार्ता गर्न सकिने प्रस्तावलाई वैद्यले पूर्व शर्तमा वार्तामा नबस्ने भन्दै आउनुभएको छ । दाहालले वार्ताबाट सहमति गरी संविधानसभाको निर्वाचनमा भाग लिन समेत वैद्यसँग आग्रह गर्नुभएको थियो ।