एकीकृत माओवादी अध्यक्ष पुष्पकमल दाहालले पदाधिकारी सहित केन्द्रीय नेतृत्व चयनमा देखिएको विवाद समाधानका लागि भन्दै चार विकल्प्को प्रस्ताव गर्नुभएको छ । दाहालले आज पार्टी केन्द्रिय कार्यलयमा पेरिशडाँडामा बसेको पूर्व पदाधिकारी, पूर्व केन्द्रीय समिति, राज्य समिति ईञ्चार्जहरुको बैठकमा पेस गर्नुभएको हो ।

           दाहालले पेश गर्नुभएको प्रस्तावको पहिलो प्राथमिकतामा हेटौंडा महाधिवेशनमा निर्वाचित नेतृत्वलाई जस्ताको तस्तै राख्ने रहेको छ । त्यस्तै दोस्रो प्रस्तावमा असार दोस्रो साता प्रस्तावित पदाधिकारी तथा केन्द्रीय नेतृत्वलाई परिमार्जनसहित पारित गर्ने, तेस्रो प्रस्तावमा पदाधिकारीको विद्यमान संरचना अन्त्य गरि अध्यक्षमात्र रहने विकल्प, र  चौथो प्रस्ताव अन्तर्गत सांगठनकि महाधिवेशन बोलाउने विवषय रहेको छ । 

                       अध्यक्ष दाहालले प्रस्ताव प्रस्तुत गर्दै जुन विकल्पल्पले संगठनलाई एक बनाउँछ, त्यसैमा सहमतीमा पुग्नुपर्ने धारणा राख्नुभएको थियो । उहाँले नेताहरुको आचरण्बारे पनि छलफल गर्नुपर्ने भन्दै थप विकल्प र जारी विवादबारे दाहालले उपाध्यक्ष बाबुराम भट्टराईसँग बसेर निष्कर्षमा पुग्ने बताउनुभएको प्रवक्ता अग्नी सापकोटाले बताउनुभयो ।