०२ आषाढ, काठमाडौं । त्रिशुली नदीमा डुबेर बेपत्ता भएका चितवनका पाँच जनाको खोजी कार्य अझै जारी रहेको छ । पानी परेका कारण खोजी कार्यमा कठिनाई भएको प्रहरीले जनाएको छ । 

      हिजो चितवनको भरतपुरबाट छुट्टी मनाउनका लागि कुरिनटारस्थित त्रिशुली नदिमा पौडी खेल्न आएका एकै परिवारका ३ किशोरीसहित ५ जना बेपत्ता भएका हुन् । उनीहरुसँगै आएका एकजना भने पौडी खेल्न नगएका कारण सकुशल छन् । 

                            

बेपत्ता हुनेहरुमा दिदिबहिनी मोनिका, रजनी, र लिजा रेग्मी, यस्तै अस्मिता थापा र जनक रावत रहेको सशस्त्र प्रहरी बल विपत व्यवस्थापन तािलम केन्द्र कुरिनटारले जनाएको छ ।

 घटनास्थलमा अहिले सशस्त्र प्रहरीको विपद व्यवस्थापन टोलीसहितको प्रहरी टोली तथा स्थानीय बासीको पहलमा खोजी कार्य जारी रहेको प्रहरीले जनाएको छ ।