एकीकृत नेकपा माओवादीका अध्यक्ष पुष्पकमल दाहालले दुइतिहाई बहुमत ल्याउनेगरी निर्वाचन तयारीमा जुटन कार्यकर्तालाइ निर्देशन दिनुभएको छ । आगामी मंसीरमा निर्वाचन हुने पक्का भएको दावी गर्दै उहाँले निर्वाचनको माहौल सृजना गर्न आग्रह गर्नुभयो । पाँचथरवाट काठमाण्डौ फर्कीने क्रममा इलामको कन्यामामा बुधबार कार्यकर्तालाइ निर्देशन दिर्दै अध्यक्ष दाहालले चुनावी तयारीमा लाग्न निर्देशन दिनुभएको हो । गाँउ गाँउमा चुनावको माहौल सृजना गर्न उहाँले कार्यकर्तालाइ निर्देशन दिनुभयो । सरकार निर्वाचनको तयारीमा जुटिसकेका कारण केही दिनमै निर्वाचन मिति घोषणा हुने दहालले बताउनुभयो । किराँत मुक्ती मोर्चाको अधिवेशन उदघाटनगर्न अध्यक्ष दाहाल पाँचथर जानुभएको थियो ।