विशेष अदालतले ‘गुण्डा नाइके’ चक्रे मिलन भनिने मिलन गुरुङसंग एक करोड रुपैया धरौटी माग गरेको छ । गैर कानूनी ढंगले अकुत सम्पत्ति जम्मा गरेको आरोपमा सम्पत्ति सुद्धिकरण विभागले दायर गरेका रीटमा सुनुवाइगर्दै विशेष अदालतले चक्रे मिलनसंग एक करोड धरौटी माग गरेको हो । अदालतका न्यायाधीशत्रय केदारप्रसाद चालिसे, मोहन रमण भट्टराइ र भुपे्रन्द्र राइको इजालस
ले चक्रे मिलन बिरुद्ध एक करोड धरौटी माग गरेको अदालतका रजिष्टार धिरज प्रताप चन्दले जानकारी दिनुभयो । चक्रे मिलनकी श्रीमती इन्दिरा गुरुङ सँग २ लाख धरौटी मागिएको छ । लागू औषध कारोवार र कतव्य ज्यान मुद्दामा डिल्लीबजार कारागरमा रहेका चक्रे मिलनलाइ ७ करोड ८ लाख गैर कानूनी ढंगले कमाएको आरोप लगाइएको छ । विशेष अदालतमा उपस्थित गराइएका चक्रे मिलनले आफूले जापानवाट कमाएको र बालुवा खानी संचालन गरेर पैसा जम्मा गरेको दावी गरेका थिए । उनले राज्यले आफूलाइ सम्पत्ति सुद्धिकरणमा फसाउन खोजेको आरोप लगाए ।