०१ आषाढ, चितवन । एकीकृत नेकपा माओवादीका अध्यक्ष पुष्पकमल दाहालले मंसिर ४ गते हुने भनिएको संविधानसभाको निर्वाचनलाई कसैले पनि रोक्न नसक्ने दाबी गर्नुभएको छ । अखिल नेपाल शिक्षक संगठनको चौथो राष्ट्रिय सम्मेलनलाई चितवनमा उद्घाट्न गर्दै अध्यक्ष दाहालले चुनाव रोक्ने षड्यन्त्र भएपनि त्यसलाई असफल पार्न जनता जागेको बताउनुभयो ।

एकीकृत माओवादीलाई आउँदो निर्वाचनमा जनताले दुई–तिहाई बहुमत दिने विश्वास व्यक्त गर्दै उहाँले संघीयता, पहिचान, महिला, किसानको अधिकार स्थापित गर्ने माओवादीको एजेण्डाविरुद्ध षड्यन्त्र भइरहेको बताउनुभयो । एकीकृत माओवादीलाई बद्नाम गर्न खोजे पनि आपूmहरुलाई जनताको साथ रहेकाले त्यो षड्यन्त्र असफल हुने बताउनुभयो ।

यस्तै, उपाध्यक्ष डाक्टर बाबुराम भट्टराईले अब एकीकृत माओवादी पूर्ण रुपमा निर्वाचनमा होमिसकेको बताउनुभयो । त्यस्तै अर्का उपाध्यक्ष नारायणकाजी श्रेष्ठले प्ररिवर्तनको नेतृत्वको नाताले जित आफुहरुको हुने बिश्वास ब्यक्त गर्नुभयो । आगामी निर्वाचनमा परिवर्तनकारी र प्रतिगामीबिच लडाई हु्ने उहाँले बताउनुभयो ।