०१ आषाढ, त्रिशुलि । पौडि खेल्ने क्रममा शनिबार त्रिशुलि नदिमा डुबेर ५ जना बेपत्ता भएका छन् । चितवनको भरतपूरबाट पृथ्बीराजमार्गमा पर्ने कुरिनटार घुम्न गएका ४ किशोरी र १ किशोर बेपत्ता भएको प्रहरीले जनाएको छ । बेपत्ता हुनेहरुमा भरतपुर चौविस कोठीका रजनी रेग्मी, लिना रेग्मी, अस्मिता रेग्मी,मनिका रेग्मी र जनक राउत रहेका छन् । 

उनीहरु मध्ये सुसान्त रेग्मी सकुशल छन् । सार्वजनिक गाडी चढेर कुरिनटार घुम्न गएका उनीहरु दिउंसो १२ बजे कुरिनटारको रिभर साईट होटलमा खाजा खाएर नदी छेउमा खेल्न गएका थिए ।
पौडि खेल्ने क्रममा एकले अर्कोलाई बचाउन खोज्दा पाँचै जना बगरेर बेपत्ता भएकोे सशस्त्र प्रहरी बल बिपद ब्यवस्थापन तालिम केन्द्र कुरिनटारले जनाएको छ । अहिले तालिम केन्द्रबाट प्रहरी निरिक्षक प्रद्युम्न थापाको नेतृत्व टोलीले नदीमा रेस्कु सामान सहित खोजी कार्य जारी राखेको छ । पानी घुम्ने ठाउंमा घट्ना घटेकाले खोजीमा कठिनाई भएको छ । नदीमा बेपत्ता किशोरीहरु एउटै परिवारका रहेका छन् ।