२ असार,चितवन,।  चितवनको भरतपुरस्थित हाकिमचोकमा रहको मञ्जश्री सप्लयर्समा भिषण आगालगी भएको छ । विद्युत सर्ट भएर आईतबार बिहान करिब ४ बजेदेखि लागेको आगो ८ बजे तिर मात्र नियन्त्रणमा आएको थियो । 

          आगो नियन्त्रणका लागि भरतपुरका दुइसहित हटौँडाको दमकल तथा प्रहरी र स्थानीयबासी खटिएका थिए । आगलागीका कारण सप्लायर्समा ४ करोड बारबरको क्षति भएको प्रहरीले जनाएको छ ।

               आगलागीका कारण सप्लायर्सका सामग्री पूर्णरुपमा जलेर नष्ट भएको छ भने भवनसमेत जलेको छ । नजिकै पेट्रोलपम्प रहेकाले त्यहाँ आगो फैलनसक्ने भन्दै प्रहरीले सावधानीपूर्वक आगो निभाएको थियो ।  चितवनमा वर्षा भइरहेका कारण पनि आगो नियन्त्रणका लागि केही सहज भएको जिल्ला प्रहरी कार्यालय चितवनले जनाएको छ ।