३ भाद्र, नुवाकोट । नुवाकोटको थानापति गाविस वडा नम्बर ४ मा एक महिलाको शव बालुवा र माटोले पुरेको अवस्थामा फेला परेको छ । शव थानापतिको ढोडेनी खोल्सामा बालुवा र ढुङ्गाले पुरेको अवस्थामा फेला परेको हो । सो शव स्थानीय ३५ वर्षीया सीता तामाङको हुनसक्ने जिल्ला प्रहरी कार्यालय नुवाकोटले जनाएको छ । सीता अस्ति बेलुकादेखि हराएकोले सो शव सीताकै हुनसक्ने अनुमान गरिएको हो । यसैविच सिरहाको पोखरभिन्डा गाविसमा एक बालक मृत अवस्थामा भेटिएका छन् । अन्दाजी छ वर्षीय बालकको शव गन्हाएको अवस्थामा स्थानीयले देखेका थिए । शव केही दिन अगाडि नै कसैले हत्या गरेर फालेको हुन सक्ने अनुमान गरिएको छ ।