हङकङमा शक्तिशाली आँधीका कारण जनजीवन अस्तव्यस्त बनेको छ । १ सय ४० किलोमिटर प्रति घण्टाको गतिमा आएको आँधिसँगै वर्षा हुँदा थुप्रै मानिसहरु घाइते हुनुका साथै घरहरु, विद्युत र टेलिफोन प्रसारण लाइन तथा सडक खण्डहरुमा समेत क्षति पुगेको बिबिसीले जनाएको छ । आँधीले पुर्याएको मानवीय र भौतिक संरचनाको क्षतिबारे पूर्ण विवरण आइनसकेको संचारमाध्यमहरुले जनाएका छन् । हङकङमा १३ वर्षको अन्तरालमा आएको यो सबैभन्दा ठूलो आँधि हो ।