तानसेन तम्घास सडकखण्डमा पर्ने जोर्तेको घुम्तीमा शुक्रबार बिहान जीप दुर्घटना हुँदा १६ जनाको मृत्यु भएको छ । जीप दुर्घटनामा परी मृत्यु हुनेहरूमा भारतबाट गुल्मीको रिडीतर्फ जाँदै गरेका नेपालीहरू रहेको बताइएको छ । भारतको दिल्लीबाट आएको बीए १ वाईए ४६७८ नम्बरको  भारतीय जीप देउराली–जोर्ते भन्ने ठाउँमा दुर्घटना भएको हो । दुर्घटनामा परी १४ जनाको घटनास्थलमै र दुई जनाको उपचारका क्रममा लुम्बिनी मेडिकल कलेजमा मृत्यु भएको हो । ९ महिला, ३ बालबालिकासहित १६ जनाको मृत्यु भएको हो । जीप सडकबाट ८० मिटर तल खाल्डोम खसेको थियो । दुर्घटना राती १२ बजे पछि भएको अनुमान गरिएको छ । दुर्घटनामा मृत्यु हुनेहरू भारतीय हुनसक्ने अनुमान गरिए पनि उनीहरू भारतमा रहने नेपालीहरू रहेको थाहा भएको छ । एउटै परिवारका उनीहरु आफन्तको अस्तु सेलाउन दिल्लीबाट रिडी जाँदै गरेको अवस्थामा जीप दुर्घटनामा परेका हुन् । मृत्यु हुनेमध्ये चालक भने भारतीय नागरिक रहेको बताइएको छ ।