एकीकृत माओवादी महाधिवेशन समितिको महाधिवेशन आयोजक समितिको बैठक केहीबेर अघि केन्द्रीय कार्यालय कोटेश्वर पेरिसडाँडामा सुरु भएको छ । बैठकमा विस्तारित बैठकको समीक्षा र विस्तारित बैठकले गरेका निर्णय कार्यान्वयन लगायका विषयमा छलफल हुने पोलिट्व्युरो सदस्य शक्ति बस्नेतले जानकारी दिनुभएको छ ।  महाधिवेशनको तयारी सँगै विस्तारित बैठकले गरेको निर्णय, सरकारले गरेको पछिल्ला निर्णय, सेना समायोजनको प्रक्रिया, लडाकुहरुको असन्तुष्टिलगायतका विषयमा छलफल हुने पनि बस्नेतले बताउनुभयो । यसैगरी आयोजक समितिलाई पूर्णता दिने विषयमा पनि छलफल हुने उहाँले बताउनुभयो । केही दिनअघि राजधानीको बसेको सातौं विस्तारित बैठकले आउने माघमा पार्टीको महाधिवेशन गर्ने निर्णय गरेको हो ।