२६ काठमाडौं । आठौँ साफच्याम्पियनसिप फुटबल प्रतियोगीताको उपाधी अफगानिस्तानले जितेको छ । राजधानीको त्रिपुरेश्वर स्थित दशरथ रंगशालामा आज सम्पन्न फाईनल खेलमा डिफेन्डिङ च्याम्पियन भारतलाई २–० गोल अन्तरले हराउँदै गतबर्षको उप विजेता अफगानिस्तानले उपाधी जितेको हो ।

 जितका लागि अफगानिस्तानका मुस्तफा अजाड जोए ले नवौँ मिनेटमा र सन्जर अहम्दीले ६२ औँ मिनेटमा एक–एक गोल गरेका हुन् । यसअघिको नयाँ दिल्लीमा भएको साफ च्याम्पियनसिपमा भारतसँग ४–० गोल अन्तरले पराजित भएको अफगानिस्तानले आज त्यसको बदला लिएको हो ।

अफगानिस्तानले उपाधिसँगै ५० हजार अमेरिकी डलर पाएको छ भने भारतले २५ हजार डलर पाएको छ । प्रतियोगितामा सेमिफाइनलमा पराजित नेपाल र माल्दिभ्सले समान १० हजार अमेरिकी डलर पाएका छन् । अहिले बिजेता समूह र खेलाडीहरुलाई पुरस्कार बितरण गर्ने कार्य भैरहेको छ ।