३२ श्रावण भक्तपुर । राज्यले भक्तपुर बर्डफ्लु संकटग्रस्त घोषणा गरेर आफुहरुलाई उचित क्षतीपूर्तिको व्यबस्था नगरे सडक आन्दोलनमा उत्रने भक्तपुरका कुखुरा व्यबसायीहरुले चेतावनी दिएका छन् । व्यबसायीहरुले हिजो मात्र कृषि मन्त्रलायमा १० बुँदे माग बुझाएका थिए । 

रफत संचार क्लब भक्तपुरले शुक्रबार भक्तपुरमा आयोजना गरेको अन्तक्र्रियामा व्यबसायीहरुले यस्तो चेतावनी दिएका हुन् । उनीहरुले राज्यको लापरबाही र अपराधिक मानसिकता बोकेका केहि ब्यवसायीले गर्दा भक्तपुर बर्डफ्लु संकटग्रस्त घोषण गर्नुपर्ने अवस्था आएको प्रति गुनासो गरेका थिए । 

अन्तक्र्रियामा कुखुरापालन ब्यवसायी संघ भक्तपुरका सल्लाहकार डा. बलराम किसीले सरकारले किसानको लागि उचित राहत नदिएको गुनसो गर्दै बर्डफ्लु फौलनुमा सरकार नै दोषी रहेको बताउनुभयो । एकदम न्यून क्षतिपूर्ति भएको भन्दै सुली त्यतीकै राख्दा सम्म तीन महिनासम्म भाइरस बाच्न सक्ने भएकोले सुलीको समेत उचित ब्यवस्थापन गर्न उहाँले माग गर्नुभयो ।

बर्डफ्लुलाई भक्तपुरबाट मात्र नभई नेपालबाटै नियन्त्रण गर्नुर्ने भन्दै उहाँले नियन्त्रण प्रक्रिया र क्षतिपूर्ति नबढाउने हो भने यो नियन्त्रणमा आउनुभन्दा फैलन सक्ने बताउनुभयो । भक्तपुर कुखुरापालक संघका संस्थापक अध्यक्ष लक्ष्मण ग्वाछाले भक्तपुरमा मात्र ७ अर्बको आर्थिक क्षति भएको रिपोर्ट सरकालाई बुझाएको बताउनुभयो ।