७ असार काठमाडौं । जुवा खेल्दै गरेको अवस्थामा होटल मल्लको क्यासिनोबाट पक्राउ परेका गायक यम बराल सासारण तारेखमा रिहा भएका छन।  गायक बराल गत जेठ ३१ मा जुवा खेल्दै गरेको अवस्थामा दरबारमार्ग प्रहरीले पक्राउ परेका थिए। प्रहरीले विशेष सूचनाको आधारमा विहान २ ः३० बजेको समयमा उनी सहित अन्य ३ जना भारतीय नागरिक समेत पक्राउ परेका थिए।

काठमाडौं जिल्ला अदालतका रजिष्ट्रार नारायण रेग्मीका अनुसार  मंगलबार काठमाडौं जिल्ला अदालतका एकल न्यायाधीशको आदेशानुसार साधारण तारेखमा रिहा भएका हुन।

कानून अनुसार नेपालीले क्यासिनो जूवा खेल्न मनाही छ। तर गायक वराल क्यासिनो जाने लतका कारण यसअघी पनि विवादित बन्दै आएका थिए। पारवारीक कारण एवं विवाहेत्तर सम्वन्धका कारण समेत उनी विवादमा पर्दै आएका थिए।

बरालले नेपाली सुगम संगीतमा ‘बादलुको घुम्टोले इलाम बजार छोपिदा’, ‘निष्ठूरीले छाडेर गइहाली,माया माया तिम्रो माया लगायतका चर्चित गीतहरु गाएका छन।