१० जेठ, काठमाडौं । निर्वाचन क्षेत्र निर्धारण आयोगको गठन र चुनावको मिति घोषणाको मागगर्दै चारदिनदेखी आमरण अनसनमा बसेका सद्भावना पार्टीका अध्यक्ष राजेन्द्र महतोको अवस्था विग्रदै गएपछि बीर अस्पतालको आइसीयुमा लगिएको छ । महतोको स्वास्थ्यस्थिती कमजोर भएपछि प्रहरीले शुक्रबााार मध्यान्ह साढे १२ बजे अस्पताल भर्ना गरेको हो । सदभावनाले भने प्रहरीले अपहरणको शैलीमा महतोलाइ अस्पताल पु¥याएको आरोप लगाएको छ । 

आफूहरुको माग पूरा गर्नुको सट्टा अपहरण शैलीमा अध्यक्ष महतोलाइ अस्पताल लगिएको सदभावना महासचिव मनीष कुमार सुमनले जानकारी दिनुभयो । महतोलाइ जबरजस्ती अस्पताल लगिएको भन्दै सदभावनाले विरोध चर्काउने चेतावनी दिएको छ । तत्काल संविधानसभा निर्वाचनको मिति घोषणा, निर्वाचन क्षेत्र निर्धारण आयोग लगायत विभिन्न १० वुँदे माग राख्दै आन्दोलनमा उत्रिएको सद्भावना र सरकारवीच बार्ता भएपनि निश्कर्ष विहिन भएपछि अध्यक्ष महतो गत मंगलबारबाट अनसनमा बस्नुभएको थियो ।