१२ चैत्र, काठमाडौं । मन्त्रीपरिषद्का अध्यक्ष खिलराज रेग्मीले भय–रहित वातावरणमा संविधानसभाको चुनाव गराउनु आफ्नो एकमात्र दायित्व रहेको बताउनुभएको छ ।  

काभ्रेको पाँचखाल स्थित विरेन्द्र अन्तर्राष्ट्रिय तालिम केन्द्रमा आजबाट सुरु भएको शान्ति प्रयास सम्बन्धि अन्तर्राष्ट्रिय स्तरको प्रशिक्षणमा बोल्दै रेग्मीले विकासको मूल आधार शान्ति नै भएको बताउँदै विश्वमा शान्ति स्थानपनाका लागि एकआपसको सहयोग र सहकार्य आवश्यक रहेको औल्याउनुभयो । 

रक्षा मन्त्रालायको जिम्मेवारी सम्हाल्नु भएका रेग्मीले सबै मिलेर गएमात्रै शान्ति र लोकतन्त्र बलियो हुने बताउनुभयो । दुई हप्ता सम्म चल्ने प्रशिक्षणमा रुवान्डा, फिलिपिन्स, भेतनाम, अस्टे«लिया, बंगलादेश, सहित २३ देशका सैनिक अधिकारी सहभागि छन् । प्रशिक्षण अवधिभर विश्वमा भइरहेका शान्ति प्रयासमा सेनाको भूमिका र अबको रणनीतिका बारे पनि छलफल हुने सेनाले जनाएको छ ।