६ भाद्र । दोलखाको लाँकुरीडाँडा गाविस वडा नम्बर ६ का अमृताकुमारी श्रेष्ठको ढुंगाले किचेर मृत्यु भएको छ । हिजो बेलुकी स्थानीय मुसलमान थामीको पुरानो घर भत्किदा बाटो हिडिरहनु भएका श्रेष्ठलाई ढुंगाले किच्दा मृत्यु भएको प्रहरीले जनाएको छ । पानी परिरहेको बेला पुरानो घर भत्कदा खसेको ढुंगाले किचेर श्रेष्ठलाई किचेको र समयमै उद्धार हुन नसक्दा मृत्यु भएको स्थानिय शिक्षक डम्बर चौलागाईले जानकारी दिनुभयो । हिजो बेलुकीदेखि हराइरहनु भएका श्रेष्ठलाई खोजी गर्ने क्रममा आज बिहान ढुंगाले किचीरहेको अवस्थामा फेला पारिएको प्रहरीले जनाएको छ ।