अमेरिकी अन्तरिक्ष एजेन्सी नासालाई मंगल ग्रहमा पठाएको क्युरिओसिटी रोबर्ट मिशनमा पहिलो झट्का लागेको छ । रोवर्टको हावाको सेन्सर मापन गर्ने सेन्सर सर्किटमा क्षति पुगेको छ । सेन्सर सर्किटमा आएको समस्या ठूलो नभएको भन्दै नासाले यसले केही मापनमा कमी आउने तर काम नै अवरुद्ध भने नहुन बताएको छ । सेन्सर सर्किटमा कसरी क्षतिपुग्यो भने यकिन नभएपनि रोबर्ट अवतरणका क्रममा ठोक्किएर हुनसक्ने बैज्ञानिकहरुले प्रारम्भीक अनुमान छ ।

मंगल ग्रहमा मानव जीवनको सम्भावना अध्ययनका क्रममा नासाले दुई साताअघि क्युरिओसिटी रोबर्टको सफल अवतरण गराएको थियो । क्षति पुगेको भनिएको सेन्सर सर्किट हावा र सहतको तापमान, हावाकेा दबाव, हावाकेा गति र दिशाका साथै सतहमा आउने परावैजनी विकिरणको मात्राबारे तथ्यांक संकलनको काम गर्छ । बीबीसीका अनुसार सेन्सर सर्किटको केही तारमा क्षति पुगेको छ । जुन खुलेको छ र यो समस्या स्थायी हो । क्यूरिओसिटी रोवर्टले पठाएको अन्य सबै जानकारी भने सही भएको नासाले बताएको छ ।