१८ साउन, काठमाडौं । पूर्व प्रधानमन्त्री लोकन्द्रबहादुर चन्दले पनि सरकारले उपलब्ध गराएको सुविधाको गाडी फिर्ता गर्नु भएको छ ।

राष्ट्रिय प्रजातन्त्र पार्टीका वरिष्ठ नेता समेत रहेका पूर्वप्रधानमन्त्री चन्दले बिहीबार विज्ञप्ती जारी गरि राज्यका तर्फबाट उपलब्ध गराइएको गाडी फिर्ता गरेको जानकारी दिनु भएको छ । घर भाडा, सचिवालय तथा सहयोगी सुबिधा लगायत अन्य कुनै सेवा सुबिधा राज्यका तर्फबाट नलिएको विज्ञप्तीमा उल्लेख छ ।

पूर्व विशिष्ट पदाधिकारीहरुलाई आजीवन सुविधा दिने सरकारी निर्णयको चर्को विरोध भएपछि पूर्व प्रधानमन्त्रीहरु पुष्पकमल दाहाल प्रचण्ड, झलनाथ खनाल, माधवकुमार नेपाल, पूर्व सभामुखद्धय सुवासचन्द्र नेम्बाङ र रामचन्द्र पौडल लगायतले सविधाको गाडी फिर्ता गरिसक्नु भएको छ ।