२५ असोज, काठमाडौं । ब्रिटिस–गोर्खा सत्याग्रह संघर्ष समिति युके नेपाल विभिन्न ५ सुत्रिय मागहरु राख्दै आन्दोलनमा उत्रिएको छ । बिटिस सहकर्मी सरह पेनशन, क्षतिपुर्ती, जगेडा पेनशन, स्वास्थ्य पेनशन, स्वास्थ्य उपचार सेवा र १८ वर्ष माथिका आश्रित छोराछोरीलाई बेलायतको आवासिय भिषा पाउनुपर्ने मागहरु राख्दै समितिले आगामी कार्तिक ७ गतेदेखि रिले अनशनको कार्यक्रम घोषणा गरेको छ ।

राजधानीमा शुक्रबार पत्रकार सम्मेलनको आयोजना गर्दै समितिले बेलायती प्रधानमन्त्री डेभिट क्यामरुङले वार्ताद्धारा समाधान गर्ने सकारात्मक प्रतिक्रिया दिएपनि आस्वस्त हुन नसकेको भन्दै आन्दोलनको कार्यक्रमलाई यथावत राख्ने पत्रकार सम्मेलनमा जानकारी दिएको समितिका संचार प्रमूख गर्जबहादुर गुरुङले जानकारी दिनुभयो ।

यसअघि समितिले बेलायत सरकारलाई विभेद अन्त्यका लागि पत्र पठाएको थियो । रिले अनशनबाट पनि आफुहरुको माग सम्बोधन नभएमा भोक हड्ताल लगायत विविन्न संघर्षका कार्यक्रमहरुलाई अगाडी बढाउने सत्याग्रह संघर्ष समितिले जानकारी दिएको छ । समितिका संयोजक एलबि घिसिङद्धारा हस्ताक्षरित विज्ञप्तीमा आन्दोलनमा सम्पूर्ण गोर्खा र गोर्खा परिवारहरुलाई आन्दोलनमा सहयोग र सहभागीताका लागि आह्वान गरिएको छ ।