१८ असोज, काठमाडौं । अर्थमन्त्री शंकरप्रसाद कोइरालाले मिलेनियम च्यालेन्ज कर्पोरेशनमार्पmत नेपाल सरकारलाई थप सहयोग दिन अमेरिकी सरकारसंग आग्रह गर्नुभएको छ । नेपालस्थित अमेरिकी राजदूत पिटर डब्लु बोडेसंग शुक्रवार अर्थ मन्त्रालयमा भएको भेटमा मन्त्री कोइरालाले सौविध्य सम्पन्न मुलुकहरुले आर्थिक अवस्था कमजोर भएका मुलुकलाई दिने सुविधा बढाउन पनि आग्रह गर्नुभयो । 

उहाँले कफी, चियाजस्ता कृषि उत्पादनहरुको अमेरिकी बजारमा राम्रो सम्भाव्यता रहेकाले व्यापार विस्तारमा अमेरिकी सरकारको ध्यानाकर्षण गराउनु भयो । केही दिनमै आपूm विश्व बैंकको कार्यक्रममा अमेरिका जान लागेको जानकारी गराउँदै मन्त्री कोइरालाले त्यस अवसरमा द्विपक्षीय सम्बन्ध, आर्थिक तथा व्यापारिक प्रवद्र्धनका विषयमा अमेरिकी अधिकारीसंग छलफल गर्ने बताउनु भयो । 

चुनाव संगसंगै निर्वाचनपछि आउने सरकारलाई राम्रो आर्थिक वातावरण वनाइदिन वर्तमान सरकार लागिपरेको बताएका कोइरालाले यसका निम्ति दातृ निकायको सहयोग अपरिहार्य हने स्पष्ट गर्नुभयो । सो अवसरमा राजदूत बोडेले नेपाल सरकारले उठाएका विषयमा आपूm सकारात्मक रहेको भन्दै सार्वजनिक वित्तिय व्यवस्थापनमा सुधार ल्याउन आग्रह गर्नुभयो । नयाँ आउने वैदेशिक सहायता नीतिले नेपालको विकासमा थप योगदान पु¥याउने उहाँको विश्वास छ । मन्त्री कोइरालाले वैदेशिक नीतिलाई थप प्रभावकारी बनाउन ठोस सुझाव दिन आग्रह गर्नुभयो ।