Literature Tekman photo,
!!!!!गजल!!!!!
Posted by Unknown
Published on Wednesday, October 23, 2013
भोट माग्न आउँदा सुकेको बारी देखाउनु,बैंसमै फुटेको चुरा र सेतो सारी देखाउनु !
द्वन्दकालमा हराएको छोरा खोई कहाँ छ,
उसको फोटो सहितको चिनारी देखाउनु !!
आजको छाक टरे भोलीलाई के हो थाहा छैन,
बर्षौं देखी रित्तिएको खाली भकारी देखाउनु !!
बिकासको नाममा हिंजो पनी जीतेकै हुन्,
गाउँ भरी फैलीएको महामारी देखाउनु !!
कुन ब्यवस्था फेरियो र खै? उस्तै छ अबस्था,
भरीया दाईको पिट्ठ्युँको भारी देखाउनु !!!
लेखिका –कल्पना थापा क्षेत्री, धादिङ
