काठमाडौं – सरकारले काठमाडौं उपत्यकामा पंक्षी र पंक्षीजन्य पदार्थ ओसारपसारमा लगाइएको प्रतिबन्ध भोलीदेखि खुल्ला गर्ने भएको छ । कुखुरा व्यवसायी र सरकारी निकायबीच आज भएको बैठकले बजारमा निरोगी कुखुरा बिक्रि गर्न गर्ने निर्ण गरेको हो । काठमाडौं उपत्यकाको स्थिति सामान्य बन्दै गएको निष्कर्षसहित भोली साँझदेखि प्रतिबन्ध हटाउन लागिएको हो । 

उपत्यकाका तिनवटै जिल्लामा बर्डफ्लुको संक्रमण फैलिएपछि सरकारले एकसाता अघि पंक्षी र पंक्षीजन्य पदार्थ ओसारपसारमा रोक लगाएको थियो । काठमाडौं उपत्यकाका सबै नाकामा चेकजाँचमा कडाई गरिने सरकारले जनाएको छ । उपत्यकाका नागढुंगा, फर्पिङ, साँगाभन्ज्याङ, नागार्जुनमा चौबिसै घण्टा सुरक्षाकर्मी राखेर चेकजाँच जारी राख्ने सरकारले जनाएको छ । बिक्रिमा रोक लगाएर बजारमा कुखुरा नपठाउँदा खोरमै मर्न थालेपछि रोगी कुखुरा परीक्षणको लागि पठाउन थालेका थिए । त्यस्तै भक्तपुर, कीतिर्पुर, थानकोट लगाएको क्षेत्रको कुखुराको प्रत्येक फर्ममा प्राविधिक टोलीले परीक्षण गर्न जाने भएको छ ।