२८ श्रावण, काठमाडौं । प्रमूख चार दल सम्मिलित उच्चस्तरीय राजनीतिक समितिले असन्तुष्ट दलसँग साउनभित्रै निर्णायक वार्ता गरी टुङ्गोमा पुग्ने निर्णय गरेको छ । आगामी संविधानसभाको निर्वाचन मङ्सिर ४ गते भित्रै सम्पन्न गर्ने गरी नेकपा–माओवादीका अध्यक्ष मोहन वैद्य नेतृत्वको मोर्चा, उपेन्द्रयादव नेतृत्व र अशोक राई नेतृत्वको मोर्चासँग यही महिनाभित्रै टुङ्गोमा पु¥याउने समितिले निर्णय गरेको हो ।

समितीको कार्यालय नयाँ बानेश्वरमा आज विहान वसेको बैठकले असन्तुष्ट दलहरु साउन मसान्तभीत्रमा पनि सहमतिमा नआए निर्वाचन प्रक्रिया शुचारु गर्ने निर्णय गरेको एकीकृत माओबादी नेता नारायणकाजी श्रेष्ठले जानकारी दिनुभयो ।

बैठकले निर्वाचनका लागि आन्दोलनरत दलले राखेका माग सम्बोधन गर्न लचकता अपनाउने निर्णय गरेको नेताहरुले बताएका छन् । असन्तुष्ट दलहरुले राख्दै आएका माग मध्ये समानुपातिक सिट संख्या बढाउने, राजनितीक समिती पुर्नगठन, रेग्मी सरकार बिस्तार गरेर असन्तुष्ट दलहरुलाई निर्वाचनमा सहभागी  गराउन लचकताकासाथ प्रस्तुत हुने निर्णय गरिएको माओवादी नेता श्रेष्ठले बताउनुभयो । नेपाली काँग्रेसका वरिष्ठ नेता शेरबहादुर देउवाले पनि उपेन्द्र यादव र अशोक राई नेतृत्वको मोर्चासँग भोलिनै वार्ता गरिने भन्दै वार्ताको टेबलमा बसेर मागहरुका सन्दर्भमा छलफल गरिने बताउनुभयो ।