११ भाद्र, काठमाडौं । एककीकृत माओवादीका प्रभावशाली नेता डा. बाबुराम भट्टराईले सच्चा परिवर्तनगामीहरुले जनयुद्धको जगमा नयाँ निर्माणको अभियान संचालन गर्नुपर्ने बताउनुभएको छ । सामाजिक संजाल फेसबुकमार्फत सन्देश छाड्दै नेता भट्टराईले पुरानो भत्काएर मात्र नयाँ निर्माण गर्नु विकासको सार्वभौम नियम रहेको बताउनुभयो ।
दशबर्षे माओवादी जनयुद्ध पुरानो समन्तवादी संरचना भत्काउने ध्वंसात्मक क्रान्ति अनिवार्य चरण थियो भने अहिले हामी त्यसको जगमा समाजवाद–उन्मुख पुँजीवादको निर्माण गर्ने रचनात्मक क्रान्तिको चरणमा छौं, उहाँले फेसबुकमार्फत भन्नुभएको छ । वैज्ञानिक सत्य आत्मसात गर्न नसक्ने दक्षिणपन्थी शक्तिहरु जनयुद्धको निरपेक्ष विरोध गर्छन् भने उग्र वामपन्थी तत्वहरु अबको उत्पादन र निर्माणपी शान्तिपूर्ण क्रान्तिको महत्वलाई बुझ्न नसक्ने उहाँको भनाई छ ।