१४ श्रावण, काठमाडौं । काठमाण्डौमा आज सोमबारदेखि ‘प्रधानसेनापति प्रथम राष्ट्रिय महिला फुटबल प्रतियोगिता’ शुरु हुदैछ । नेपाली सेनाको आयोजना तथा अखिल नेपाल फुटबल सङ्घको प्राविधिक सहयोगमा आजबाट शुरु प्रतियोगिता आगामी १८ गतेसम्म चल्नेछ ।

काठमाडाँैको भद्रकालीस्थित जङ्गीअड्डाको खेल मैदानमा हुने खेलमा नेपाली सेना, नेपाल प्रहरी, सशस्त्र प्रहरी र पाँच विकास क्षेत्र गरी आठ टोलीको सहभागिता रहनेछ । विजेता टोलीलाई तीन लाख पुरस्कार प्रदान गरिने सेनाले जनाएको छ । त्यस्तै दोस्रो हुनेलाई एक लाख ५० हजार र तेस्रो हुनेलाई ७५ हजार नगत पुपरस्कार प्रदान गरिने छ । प्रतियोगिताको उत्कृष्ट गोलरक्षक, मिडफिल्ड, डिफेन्स र फरवार्डलाई जनही १० हजार पुरस्कार प्रदान गरिने सेनाले जनाएको छ ।