१० श्रावण, काठमाडौं । एमाओवादी नेता बाबुराम भट्टराईले कुनै हालतमा राजसंस्था पुनस्र्थापना हुन नसक्ने बताउनुभएको छ । पूर्वराजाले गणतन्त्र विरुद्ध षड्यन्त्र गरेको भन्दै भट्टराईले गणतन्त्र उल्ट्याउन खोजे आफुहरुलाई सह्य नहुने बताउनुभयो । अखिल क्रान्तिकारी पूर्वान्चल विश्वविद्यालयको उपत्यका सम्मेलनलाई बिहिबार राजधानीमा सम्बोधन गदैए नेता भट्टराईले गणतन्त्र विरोधी सड्यन्त्र भैरहेको सुचना भने आफुले पाएको बताउनुभयो ।

 जहाँकहीं राजतन्त्रको अन्त्य भइसकेपछि मृत्युदण्ड, जेल र देश निकाला मध्ये एउटा गरिएको इतिहास रहेको उल्लेख गर्दै नेता भट्टराईले नेपालमा भने राजनीतिक दल उदार भएकै कारण राजतन्त्रले फेरि टाउको उठाउन खोजेको बताउनुभयो । सबै एकजुट भएर संविधानसभा निर्वाचन सम्पन्न गरी प्रतिक्रान्ति असफल पार्नुपर्नेमा उहाँले जोड दिनुभयो ।