पार्टीभीत्रको उत्पन्न पदीय विबाद मिलाउनेबारे छलफल गर्न एकीकृत नेकपा माओवादीको विस्तारित बैठक शुक्रबारदेखी राजधानीमा सुरु भएको छ । ललितपूरको बालकुमारी स्थित खन्ना गार्मेटमा सुरु बैठकमा अध्यक्ष अध्यक्ष पुष्पकमल दाहालले संगठनात्मक प्रतिवेदन पेश गर्नुभएको छ ।

प्रस्तावमा तत्कालका लागि अध्यक्ष बाहेकका पद खारेज गरेर सबैलाई केन्द्रीय सदस्य बनाउन प्रस्ताव गरिएको छ । मंसीर चारको निर्वाचन पछि भने विशेष महाधिवेशन बोलाएर पदमिलान गर्ने उल्लेख रहेको जनाईएको छ । बैठकको उदघाटन सत्रलाइ संवोधन गर्दै अध्यक्ष दाहालले हेटौंडा महाधिवेशनपछि पार्टीको कार्यशैली र सांगठनिक अवस्था सुधार गर्न नसकिएको स्वीकार गर्नुभयो ।

संगठन सुधारका लागि विस्तारित बैठकसम्म आउनुपरेको भन्दै दाहालले हेटौंडा महाधिवेशनले जनतामा विश्वास पैदा गरेको तर कार्यशैली र पार्टीको संगठनबारे समग्र कार्यदिशा विकास गर्न नसकेको बताउनुभयो । उहाँले संविधानसभाको निर्वाचन तोकिएकै मितिमा नहोस् भन्ने प्रतिगामीहरुले षड्यन्त्र गरिरहेको बताउनुभयो । 

अध्यक्ष दाहालले तोकिएकै समयमा निर्वाचन निष्पक्ष वातावणमा सम्पन्न आफू पूरै बल लगाउने उल्लेख गगर्नुभयो । सम्बोधनका क्रममा एकीकृत माओवादी नेता डा. बाबुराम भट्टराईले आफ्नो पदत्याग समस्या नभएर समाधान भएको जिकिर गर्नुभयो । क्रान्तिकारीहरु त्याग र बलिदानको तरिकाबाट जनताको विश्वास जितेर जानुपर्ने भन्दै उहाँले वृहत् जनवादको अभ्यास गरेर विश्वलाई चकित पार्ने गरि नयाँ आधारमा एकता कायम गरेर जाने छौँ भन्नुभयो । 

उपाध्यक्ष नारायणकाजी श्रेष्ठले हेटौंडा महाधिवेशनपछि पार्टीमा कार्यदिशा र संगठनात्मक आचरणबीच अन्तरविरोध भएको बताउनुभयो । अध्यक्ष दाहालको प्रस्तावमाथी छलफलगर्न १६ वटा समूह बनाइएको छ । समूहगत छलफल सकिएपछि भोली दिउसो १२ बजेपछि समूहगत धारणा राख्नेक्रम सुरु हुनेछ ।