तपाई जुवातास खेल्नुहुन्छ ? खबरखार त्यस्तालाई अब प्रहरीले पक्राउ गर्ने गरेको छ । अज मात्रै पोखरामा दिपस्थित वालकृष्ण गुरुङको घरमा जुवातास खेलिरहेको अवस्थामा सातजना जुवाडेहरुलाई जिल्ला प्रहरी कार्यालय कास्कीले पक्राउ गरेको छ । उनीहरुलाई पक्राउ मात्र गरिएको गरिएको छैन । एक लाख चार हजार रुपैयाँ र  तास  बरामद गरी कारबाही अगाडि बढाएको छ ।  पक्राउ पर्ने जुवाडेहरुमा पोखरा–१६ लामाचौरका नेत्रबहादुर खत्री, पोेखरा न्युरोड बस्ने  मीनबहादुर गुरुङ, हेम्जा–९ बस्ने  धुव थापा, अर्मला–२ बस्ने  भक्तबहादुर गुरुङ, पोखरा–१६ दिपका शेरबहादुर गुरुङ, सुग्म  गुरुङ र बालकृष्ण गुरुङ छन् । यस्तै पोखरा नयाँबजार क्षेत्रमा कुटपिट र होहल्ला गरी  टोलमा अशान्ति मच्चाइरहेको अवस्थामा प्रहरीले तीनजनालाई पक्राउ गरी आवश्यक अनुसन्धान गरिरहेको छ ।

पक्राउमा परेका व्यक्तिहरुमा सोही ठाउँ बस्ने वर्ष २० का उदिम थापा, वर्ष २१ का आकाश उदास र वर्ष १८ का राजु श्रेष्ठ छन् । यस्तै, प्रहरीले पोखरा–९ नयाँबजारबाट सूर्यबहादुर पाण्डे क्षेत्रीको साथबाट ३०० ग्राम गाँजासहित प्रहरीले पक्राउ गरेको छ । अब तपाईलाई के लाग्छ ? जुवातास  र होहल्ला गरेर पक्राउ पर्न चाहनुहुन्छ या सभ्य नागरिक बन्न चाहनुहुन्छ ?