०२, आषाढ, काठमाडौं । सरकारले राष्टपति डाक्टर रामबरण यादावलाई उपचारका लागि जापान पठाउने गरेको छ । नेपाल सरकार मन्त्रीपरिषदको आज बसेको आकस्मिक बैठकले राष्टपतिलाइ उपचारका लागि जापान पठाउने निर्णय गरेको हो । सरकारले राष्टपति यादवको उपचारमा लाग्ने सबै खर्च व्यहोर्ने भएको छ । 

राष्टपति यादवलाइ सोमबार उपचारका लागि जापान पठाइने भएको छ । राष्ट्रपतिसंगै छोरा डा चन्द्रमोहन, छारी अनिता यादव र निजि चिकित्सक यादव भट्टपनि जाजान जानुहुनेछ । आन्द्रामा समस्या देखिएपछि राष्टपतिलाइ उपचारका लागि विदेश पठाउन चिकित्सकले सुझाव दिएका थिए ।

अस्वस्थ्य भएपछि गरिएको मेडिकल परीक्षणमा राष्ट्रपतिको ठूलो आन्द्रामा घाउ देखिएको छ । राष्ट्रपतिले शुक्रबार त्रिवि शिक्षण अस्पतालमा स्वास्थ्य परीक्षण गराएका थिए भने शनिबार बिहान धापासीस्थित ग्रान्डी अस्पतालमा सिटी स्क्यान गरिएको थियो ।