Political News,
निर्वाचनको विरोध गर्दै आएकाहरुसँग छलफल गर्न तयार–सभापति कोईराला ।।
Posted by Unknown
Published on Tuesday, March 26, 2013
१३ चैत्र, काठमाडौं । नेपाली काँग्रेसका सभापति सुशील कोइरालाले निर्वाचनको विरोध गर्दै आएका नेकपा–माओवादी, मधेसी जनअधिकार फोरम लगायतका दलसँग छलफल गर्न आफूहरु तयार रहेको बताउनुभएको छ । कास्कीमा पत्रकारहरुसँग कुरा गर्दे सभापति कोइरालाले निर्वाचनको परिस्थिति हेरेर प्रजातान्त्रिक शक्तिहरुबीच गठबन्धनसमेत हुन सक्ने सङ्केत गर्नुभयो । मुलुक र प्रजातन्त्रलाई जोगाउन आसन्न संविधानसभाको निर्वाचनमा प्रजातन्त्रमा आस्था र विश्वास राख्ने सबै दल र शक्तिलाई साथमा लिएर अघि बढ्ने उहाले बताउनुभयो ।
सभापति कोइरालाले प्रजातन्त्रको मुटु भनेकै निर्वाचन भएकाले काँग्रेसले निर्वाचनलाई नै पहिलो प्राथमिकतामा राखेको स्पष्ट पार्नुभयो । चुनाव असार वा मङ्सिरमा जहिले भए पनि हामी चुनावमा जुटिसक्याँै– उहाँले भन्नुभयो । कोइरालासँगै नेपाली काँग्रेसका वरिष्ठ नेता शेरबहादुर देउवा, उपसभापति रामचन्द्र पौडेलसमेत कार्यक्रममा सहभागी हुनुभएको थियो ।
