६ भाद्र । नेपाली कांग्रेसका सभापति सुशील कोइरालाले संविधानसभाको अवसानसँगै सरकारले गरेको चुनाव घोषणाले  दलहरुबीचमा अविश्वासको वातावरण बनेको बताउनु भएको छ । सभापति सुशील कोइरालाले नेपाली काँग्रेसकै नेतृत्वमा राष्ट्रिय सहमतिको सरकार बत्रे दाबी गर्नुभयो । अरू ठूला दलहरूले अहिलेसम्म सरकारको नेतृत्व गरिसकेकाले अब सरकारको नेतृत्व गर्ने जिम्मा नेपाली काँग्रेसको भएको उहाँले बताउनुभयो । नेपाल प्रेस युनियन इलामले  इलाममा आयोजना गरेको पत्रकार सम्मेलनमा उहाँले काँग्रेसमा सबैलाई मिलाएर अघि बढ्नसक्ने क्षमता भएकाले नेतृत्वको दाबी गरेको बताउनुभयो । सभापति कोइरालाले भत्रुभयो,— “माओवादी बारम्बार गरिएका सहमति उल्लङ्घन गरेर सत्ता कब्जामा लागेको छ ।” एकीकृत नेकपा (माओवादी)कै कारण अविश्वासको वातावरण सिर्जना भएको उहाँको भनाइ थियो । माओवादीले सत्ता कब्जा गर्ने खेलमा लागेपनि त्यो उसको लागि दिवा सपना मात्र रहेको बताउनुभयो । नेपाली काँग्रेसको नगर अधिवेशनको उद्घाटनका क्रममा इलाम आइपुग्नुभएका कोइरालाले नेपाली काँग्रेसलाई सङ्घीयता विरोधी भत्रु मूर्खता हो भन्दै सबैभन्दा पहिले २०१६ सालदेखि नै काँग्रेसले सङ्घीयता र समावेशीको पक्षमा वकालत गर्दैआएको बताउनुभयो ।