२६ श्रावण, काठमाडौं । एकीकृत नेकपा माओवादीको केन्द्रीय सदस्यहरुको सम्पत्ती एवं आर्थिक स्थिति छानविन उच्चस्तरीय आयोगले उजुरी दिने समय थप गरेको छ । २५ साउनसम्म उजुरी गर्ने अवधि रहेकोमा आयोगले समय थप गर्दै २८ साउनसम्म पु¥याएको हो । आयोगको अनुसार बेनामे उजुरी दिनेहरुका लागि पार्टी मुख्यालय सहित थप चार स्थानमा उजुरी पेटीकाहरु राखिने भएको छ । कलंकीचोक, बालाजु चोक, कोटेश्वरचोक र ललितपुरको पुल्चोकमा उजुरी पेटीकाहरु राखिने आयोगका संयोजक अमिक शेरचनले जानकारी दिनुभयो । साउन २ देखि ६ गतेसम्म राजधानीमा भएको विस्तारित बैठकमा नेताहरुको सम्पत्ति छानविन गर्न कार्यकर्ताहरुले माग राखेपछि माओवादीले शेरचनको संयोजकत्वमा आयोग गठन गरेको छ ।