कोहीकोही मान्छे कतिसम्म मूर्ख हुँदारहेछन् भन्ने कुरो अस्ट्रेलियाका एक युवकले देखाइदिएका छन् । अस्ट्रेलियाको डार्विन सहरमा बस्ने एक युवकले आफ्नो मलद्वारको चेँपमा पटका राखेर नितम्बका फिलाले चेँपेर पड्काउन खोज्दा झण्डै उनको प्राणपखेरु उडेन । ज्यानै नगएपनि उनको मलद्वार तथा लिंगको भाग नराम्ररी डढेको छ । साथै उनको गाला तथा पिठ्युँमा पनि पटकका छर्राले असर पारेको छ ।

ती युवक के कारणले गर्दा त्यस्तो मुर्ख काम गर्न उक्सिए भन्ने तथ्य खुलिनसकेको भएपनि उनले मदिरा खाएको हुँदा नशामा लटि्ठएर त्यसो गरेको हुनसक्ने आशंका प्रहरीले गरेको छ ।

नाम नखुलाइएका ती युवकको मलद्वारमा पटका पडि्कएको खबर पाउने बित्तिकै त्यहाँ प्रहरी तथा स्वास्थ्यकर्मी आएका थिए । तर उद्धारकर्मी आइनपुग्दै उनी आफै अस्पताल पुगिसकेका थिए । बिचरा ती अभागी ठिटो मलद्वारमा पटका पडि्कएर सख्त घाइते त बने नै उनले पटक पड्काएबापत जरिवाना समेत तिर्नुपरेको छ । त्यस स्थानमा जुलाई १ बाहेक अरु दिन पटका पड्काउनु गैरकानुनी रहेछ । स्मरण रहोस् केही दिनअघि पनि अमेरिकामा एक व्यक्तिले पटका पड्काउँदा उनको लिंग नै क्षतविक्षत भएको र सदाका लागि गुमेको खबर सार्वजनिक भएको थियो ।