निर्धारित दुरी २६ दशमलव ९३ सेकेण्डमा पुरा गरेका उनले व्यक्तिगत प्रदर्शन सुधारे पनि राष्ट्रिय कीर्तिमान समेत तोड्न असफल भए । ५० मिटर फ्रिस्टाइलमा उनको प्रदर्शन २७ दशमलव शुन्य ४ थियो भने २६ दशमलव ३९ सेकेन्डको राष्ट्रिय कीर्तिमान चित्रबहादुर गुरुङको नाममा छ ।

चोटका कारण सन्तोषजन प्रदर्शन गर्न नसकेका प्रसिद्धजंगको लण्डन ओलम्पिक यात्रम सहभागितामै सिमित रहृयो । एक महिना अघि नै लण्डन पुगेका प्रसिद्धजंगको अभ्यासका क्रममा काँधमा चोट लागेको थियो ।

प्रसिद्ध गतवर्ष चीनको सांघाईमा भएको १४ औं विश्व फिना च्याम्पियनसीपको प्रर्दशनका आधारमा लण्डन ओलम्पिकका लागि छनोट भएका थिए । ओलम्पिक टोलीका सबैभन्दा वरिष्ठ खेलाडी प्रसिद्धले ओलम्पिक मार्चपासमा राष्ट्रिय झण्डा समेत बोक्ने मौका पाएका थिए ।

यसअघि बुधबार भएको सय मिटर फ्रि स्टाइलमा भाग लिएकी नेपाली पौडिबाज श्रेया धिताल हिट चरणबाटै बाहिरिएपनि राष्ट्रिय किर्तिमान बनाएकी थिइन् ।

शुटींगकी स्नेहा राणाको चुनौति शनिबार नै समाप्त भइसक्यो भने अब १०० मिटर दौडमा पुरुषतर्फ तिलकराम थारु र महिलातर्फ प्रमिला रिजालले खेल्न बाँकी छ ।